كاری سه‌ره‌كی ئه‌م ئه‌نجومه‌نه‌ خۆی له‌ په‌ره‌پێدانی په‌یوه‌ندییه‌ بازرگانی و سیاسییه‌ دووقۆڵییه‌كانی نێوان ژاپۆن و كوردستانی عێراق ده‌بینێته‌وه‌.

هه‌روه‌ها ئامانجێكی دیكه‌ی ئه‌نجومه‌نه‌كه‌، په‌رپێدان و فراوانتركردنی په‌یوه‌ندییه‌ بازرگانییه‌كانی نێوان ژاپۆن و كوردستانی عێراقه‌، له‌ رێگه‌ی په‌رپێدان و هاندانی نازرگانی و وه‌به‌رهێنان له‌ نێوان هه‌ردوولا و هه‌روه‌ها پشتگیریكردن له‌ ئه‌ندامه‌كانی له‌ رێگه‌ری په‌یداكردنی زانیاری به‌پێز، راوێژكاری ئابووری و خزمه‌تگوزاری لێكۆڵراو بۆیان به‌شێوه‌یه‌ك كه‌ سوود به‌ ئابووری هه‌ردوولا بگه‌ینێت.

هه‌روه‌ها ئه‌نجومه‌نه‌كه‌ په‌یوه‌ندیشی له‌ گه‌ڵ ئاژانسه‌ حكومیه‌كانی ژاپۆن و كوردستانی عێراق، ده‌سته‌ ئیداری و ئابووری و وه‌به‌رهێنه‌ر و بازرگانییه‌كان ده‌بێت، هه‌روه‌ها له‌ گه‌ڵ كه‌رته‌ تایبه‌ته‌كان، به‌مه‌به‌ستی دۆزینه‌وه‌ و باشتركردنی هه‌لی بازرگانی زیاتر بۆ هه‌ردوولا، هه‌روه‌ها بۆ زامنكردن و رێگه‌خۆشكردن بۆ بینینێكی ئابووری فراوان و سه‌ركه‌وتوو، بۆ به‌ده‌ستهێنان و دۆزینه‌وه‌ی هه‌لی بازرگانی و وبه‌رهێنان له‌ بازرگانی هه‌ردوولا.

سه‌ره‌ڕای ئه‌مه‌، ئه‌نجوومه‌نه‌كه‌ئامانجی دیكه‌شی هه‌یه‌، بۆ ئاسانكردنی هاتنه‌ناوه‌وه‌و ئاساندنی كۆمپانیا ژاپۆنییه‌ ئه‌ندامه‌كان لوم ئه‌نجوومه‌نه‌ به‌ بازاڕی له‌ كوردستانی عێراق، هه‌روه‌ها به‌ پێچه‌وانه‌وه‌، ئه‌مه‌ش له‌ رێگه‌ی بیمه‌كردن و رێكخستن و په‌رپێدانی پروگرام و چالاكی جۆراوجۆر، به‌جۆرێك كه‌  چوارچێوه‌ی هه‌له‌ په‌یدابووه‌كان فراوانتر بكات، به‌مه‌به‌ستی په‌ره‌پێدانی كاره‌ بازرگانییه‌كانی هه‌ردوولا.