له‌ مانگی حوزه‌یراندا هه‌فتانه‌ دوو گه‌شت له‌نێوان هه‌ولێر و ئه‌بوزه‌بی رێكده‌خرێت

KRG: 18 Apr., 2010

كۆمپانیای فڕۆكه‌وانی ئیتیحادی ئیماراتی رایگه‌یاند، له‌ 26ی نیسانه‌وه‌ گه‌شته‌ ئاسمانیه‌كانی نێوان به‌غدا و ئه‌بورزه‌بی ده‌ستپێده‌كه‌نه‌وه‌.هه‌فتانه‌ پێنج گه‌شت به‌ فڕۆكه‌ی جۆری ئێر باس ئه‌ی 320 له‌ نێوان به‌غدا و ئه‌بو زه‌بی ئه‌نجامده‌درێن.له‌ رۆژی 1ی حوزه‌یرانیشه‌وه‌ به‌ فڕۆكه‌ی ئێرباس 320هه‌فتانه‌ دوو گه‌شت له‌ نێوان هه‌ولێر و ئه‌بوزه‌بی رێكده‌خرێت.جێی ئاماژه‌یه‌ دوای كرانه‌وه‌ی هه‌رێمی كوردستان و عێراق به‌ڕووی جیهان و باشتربوونی بارودۆخی وڵات، رۆژ دوای رۆژ هێڵی ئاسمانی وڵاتان به‌ره‌و عێراق و هه‌رێم زیاتر ده‌كرێته‌وه‌.